Вітання по-закарпатськи з 8 березня оприлюднили в мережі

Вірш написав народний поет Василь Попик З 8 - м Марта Прекрасну нашу половину, Стареньку бабку тай дітину, Ушиткых нашых жуночок, Тай молоденькых дівочок...   Из 8-м Марта гратулую, И уд Душі я Вам вінчую, Цвітіт, ги чічкы у садови, Най люблят Вас, не лиш у снови.   Подаркы дарят тай косиці, Так, ги на свальбі - молодиці, И комплименты говорят, Уд щастя очи най блищат...   Газди з рана повставали: Побрытвалися, почесали, Нафукали на ся одеколон, Прийшли ид Вам вни на поклон.   У каждого в руці косиці, Подарок пряче з-зад гузиці. Споминат красні ун слова, Що вонь болит го голова...   Палинкы їм нись не пити, Бо треба вшитко поробити... Як нышню днину пережити, Обы усьим Вам угодити...   З Вас ныні кажда - КОРОЛЕВА Приручите Вы, даже лева... Гуляйте, пийте, отдохніт... На завтра сил собі лишіт.   Бо динь сись -кажда добре знає...Ги Золушка на БАЛ чекає... А в пуночи прийде кониць... Й опят: райбачка, харіня, горниць.   Най Бог Вас всьих благословит. У файті щастя най царит... Обы біда за Вас не знала, А Мати Божа помагала...   В. І. Попик Нагадаємо, У центрі Берегова – куштують вино й традиційні закарпатські страви (ФОТО) Читайте також:На Закарпатті зберігається висока сніголавинна небезпека